Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 143-1} akal āṅkaṇ iruḷ nīṅki aṇi nilā tikaḻnta piṉ
• {KALI 143-2} pakal āṅkaṇ paiyeṉṟa matiyam pōl nakal iṉṟu
• {KALI 143-3} nal nutal nītta tilakattaḷ miṉṉi
• {KALI 143-4} maṇi poru pacum poṉ kol mā īṉṟa taḷiriṉ mēl
• {KALI 143-5} kaṇikāram koṭkum kol eṉṟāṅku aṇi cela
• {KALI 143-6} mēṉi maṟaitta pacalaiyaḷ āṉātu
• {KALI 143-7} neñcam veṟiyā niṉaiyā nilaṉ nōkkā
• {KALI 143-8} añcā aḻāa araṟṟā iḵtu otti
• {KALI 143-9} eṉ ceytāḷ kol eṉpīr kēṭṭīmiṉ poṉ ceytēṉ
• {KALI 143-10} maṟaiyiṉ taṉ yāḻ kēṭṭa māṉai aruḷātu
• {KALI 143-11} aṟai koṉṟu maṟṟu ataṉ ār uyir eñca
• {KALI 143-12} paṟai aṟaintāṅku oruvaṉ nīttāṉ avaṉai
• {KALI 143-13} aṟai nava nāṭṭil nīr koṇṭu tariṉ yāṉ um
• {KALI 143-14} niṟai uṭaiyēṉ ākuvēṉ maṉṟa maṟaiyiṉ eṉ
• {KALI 143-15} mel tōḷ nekiḻttāṉai mēey avaṉ āṅkaṇ
• {KALI 143-16} ceṉṟu cēṇ paṭṭatu eṉ neñcu
• {KALI 143-17} oṉṟi muyaṅkum eṉṟu eṉ piṉ varutir maṟṟu āṅku ē
• {KALI 143-18} uyaṅkiṉāḷ eṉṟu āṅku ucātir maṟṟu antō
• {KALI 143-19} mayaṅkiṉāḷ eṉṟu maruṭir kalaṅkaṉmiṉ
• {KALI 143-20} iṉ uyir aṉṉārkku eṉaittu oṉṟu um tītu iṉmai
• {KALI 143-21} eṉ uyir kāṭṭātu ō maṟṟu
• {KALI 143-22} paḻi tapu ñāyiṟu ē pāṭu aṟiyātār kaṇ
• {KALI 143-23} kaḻiya kataḻvai eṉa kēṭṭu niṉṉai
• {KALI 143-24} vaḻipaṭṭu irakkuvēṉ vantēṉ eṉ neñcam
• {KALI 143-25} aḻiya tuṟantāṉai cīṟum kāl eṉṉai
• {KALI 143-26} oḻiya viṭātīm ō eṉṟu
• {KALI 143-27} aḻitaka māa taḷir koṇṭa pōḻtiṉāṉ i ūrār
• {KALI 143-28} tāam taḷir cūṭi tam nalam pāṭupa
• {KALI 143-29} āam taḷirkkum iṭai ceṉṟār mīḷtariṉ
• {KALI 143-30} yāam taḷirkkuvēm maṉ
• {KALI 143-31} neytal neṟikka um vallaṉ neṭu mel tōḷ
• {KALI 143-32} pey karumpu īrkka um vallaṉ iḷa mulai mēl
• {KALI 143-33} toyyil eḻuta um vallaṉ taṉ kaiyil
• {KALI 143-34} cilai vallāṉ pōlum ceṟiviṉāṉ nalla
• {KALI 143-35} pala vallaṉ tōḷ āḷpavaṉ
• {KALI 143-36} niṉaiyum eṉ uḷḷam pōl neṭum kaḻi malar kūmpa
• {KALI 143-37} iṉaiyum eṉ neñcam pōl iṉam kāppār kuḻal tōṉṟa
• {KALI 143-38} cāya eṉ kiḷavi pōl cevvaḻi yāḻ icai niṟpa
• {KALI 143-39} pōya eṉ oḷi ē pōl oru nilai ē pakal māya
• {KALI 143-40} kālaṉ pōl vanta kalakkattōṭu eṉ talai
• {KALI 143-41} mālai um vantaṉṟu iṉi
• {KALI 143-42} iruḷoṭu yāṉ īṅku uḻappa eṉ iṉṟi paṭṭāy
• {KALI 143-43} aruḷ ilai vāḻi cuṭar
• {KALI 143-44} īṇṭu nīr ñālattu uḷ em kēḷvar il āyiṉ
• {KALI 143-45} māṇṭa maṉam peṟṟār mācu il tuṟakkattu
• {KALI 143-46} vēṇṭiya vēṇṭiyāṅku eytutal vāy eṉiṉ
• {KALI 143-47} yāṇṭu um uṭaiyēṉ icai
• {KALI 143-48} ūr alar tūṟṟum i uyyā viḻumattu
• {KALI 143-49} pīr alar pōla periya pacantaṉa
• {KALI 143-50} nīr alar nīlam eṉa avarkku a ñāṉṟu
• {KALI 143-51} pēr añar ceyta eṉ kaṇ
• {KALI 143-52} taṉ uyir pōla taḻīi ulakattu
• {KALI 143-53} maṉ uyir kākkum i maṉṉaṉ um eṉ kol ō
• {KALI 143-54} iṉ uyir aṉṉāṉai kāṭṭi eṉaittu oṉṟu um
• {KALI 143-55} eṉ uyir kāvātatu
• {KALI 143-56} eṉa āṅku
• {KALI 143-57} maṉṉiya nōyoṭu maruḷ koṇṭa maṉattavaḷ
• {KALI 143-58} pal malai iṟantavaṉ paṇintu vantu aṭi cēra
• {KALI 143-59} teṉṉavaṉ teḷitta tēem pōla
• {KALI 143-60} iṉ nakai eytiṉaḷ iḻanta taṉ nalaṉ ē